Futbolli kinez duket se do të pësojë një revolucion të vërtetë.
Pas disa blerjeve të rëndësishme në Europë, ekipet kineze nuk ndalen.
Guangzhou Evergrande ka realizuar një goditje të “çmendur”, duke blerë për 42 milion euro sulmuesin e Atletiko Madrid, Jackson Martinez.
Por, çmenduria nuk ndalon me kaq.
Mediat britanike shkruajnë se ekipet kineze synojnë të marrin disa nga yjet e Premier Ligës, duke iu dhënë paga të llahtarshme.
E përditshmja britanike “Telegraph” shkruan se klubi kinez i Jiangsu Suning është gati t’i ofrojë Jaja Ture një kontratë prej 30 milionë sterlinash në vit, që janë rreth 40 milionë euro.
Ture pritet të largohet në fund të sezonit nga Mançester Siti, pas emërimit të Pep Guardiolës si trajner i këtij ekipi.
Nëse do të shkonte në Kinë, Ture do të fitonte 760 mijë euro në javë, më shumë se dyfishin e 317 mijë eurove që fiton aktualisht.
Një rrogë kjo që do ta bënte atë lojtarin e tretë më të paguar në botë.
“Telegraph” shkruan se edhe kapiteni i Çelsit, Xhon Teri, mund të zbarkojë në Kinë, ku e pret një rrogë prej 26 milionë eurosh.
Ndërsa Shanghai Sipg i Sven Goran Erikson shpreson të bindë Uejn Runin që të largohet nga Mancester JunaitedUnited, duke i ofruar një rrogë prej 33 milionë eurosh në sezon.
Tashmë duket se Kina është kthyer në tokën e premtuar për futbollistët.
