Edhe pse Kim Jong-un u shfaq pas 20 ditësh “arratisje” nga sytë e publikut, për të ende vijon të spekulohet. Disa teori pretendojnë se diktatori ka sozi, dhe pikërisht ai u shfaq në inaugurimin e fabrikës së mbeturinave në Penian, dhe jo Kim i vërtetë.
Fotografitë e Kim Jong-un janë vendosur në lupën e vëzhguesve të internetit, të cilët pretendojnë se në inaugurimin e fabrikës ishte i pranishëm sozia e diktatorit dhe jo ai vetë. Veshët dhe dhëmbët e Kim kanë qenë në fokus. Vëzhguesit kanë krahasuar fotot e kaluara të 36 vjeçarit, me ato që u shfaqën në inaugurim. Dhe dolën në përfundimin se Kim ka një sozi.
Për këtë, ata i referohen dhe historisë, duke marrë shembullin e Adolf Hitler, Joseph Stalin dhe Saddam Hussein, për të cilët thuhet se kanë pasur një sozi gjatë periudhës që kanë udhëhequr vendet e tyre.
