Përgjatë genocidit të Napoleon Zervës, në këtë kështjellë janë vrarë e prerë afro 50 gra e fëmijë të popullsisë shqiptare të Çamërisë.
Parga është një qytet në krahinën e Çamërisë, i cili shtrihet në bregdetin e Jonit në mes të qyteteve të Prevezës dhe Gumenicës. Në antikitet zona ishte e banuar nga fisi pellazgo-ilir, Thesporotët. Venedikasit krijuan një plan të përsosur të mbrojtjes, të cilën e kombinuan me fortifikimin natyror duke bërë një kështjellë. Jashtë kalasë ishin tetë kulla të vendosura në pozicione të ndryshme. Brenda hapësirës së ngushtë të qytezës ka pasur 400 shtëpi, të pozicionuara në mënyrë që ato të zënë vetëm një hapësirë të vogël larg nga bregu. Nga kjo kështjellë parrethuar popullsia e Pargës dhe Sulit kryen betejat epike, mbajtën lirinë e tyre për shekuj me radhë.
Në atë kala, përgjatë genocidit zervist janë vrarë e prerë afro 50 gra e fëmijë të popullsisë së Çamërisë, të cilët pushkatoheshin hidheshin prej mureve në det.
