Gjyqtari Besnik Imeraj është një nga 9 anëtarët e zgjedhur për KED.
Gjyqtari i Kushtetueses, Besnik Imeraj, njeriu që votoi kundër ligjit të vetting-ut është përzgjedhur me anë të shortit si një nga 9 anëtarët e Këshillit të Emërimeve në Drejtësi.
Gjyqtari Besnik Imeraj, megjithëse votoi kundër ligjit të vetting-ut, ai vetë tashmë do t’i nënshtrohet këtij ligji.
Të nëntë anëtarët e sapo zgjedhur për Këshillin e Emërimeve në Drejtësi përpara se të marin detyrën do t’i nënshtrohen ligjit të vetting-ut dhe nëse e kalojnë këtë ligj mund të fillojnë nga puna.
Institucioni i KED-së do të bëjë vlerësimin dhe renditjen e kandidatëve për anëtarë të Gjykatës Kushtetuese dhe Inspektorit të Lartë të Drejtësisë.
Një tjetër problem i shortit të sotëm është se tre të përzgjedhur janë në kundërshtim me kriteret e vetting-ut, sepse kanë shërbyer në “drejtësinë” e diktaturës komuniste.
