Ndërsa prej muajsh vendi ynë po përballet me krizë të energjisë elektrike hedh pasojat po rëndojnë në faturat e qytetarëve, KESH vazhdon me manovrat abuzuese. Në të dhënat më të fundit të publikuar nga vetë KESH, për raportin javor të shit-blerjes së energjisë, evidentohet se Shqipëria vazhdon të blejë energji me çmim më të lartë se vendet e tjera të rajonit.
Evidentohet se, KESH ka blerë rreth 18 mln euro energji elektrike për të plotësuar nevojat e vendit për konsum vetëm për një javë. Në bursa energjia ka arritur çmime rekord ku një megavator është shitur me mbi 500 euro kjo ka detyruar korporatën elektroenergjitike që të rihapë një tender të dytë për të plotësuar kërkesën. Ndërkohë që prurjet në Fierzë kanë rënë ndjeshëm për shkak të mungesës së reshjeve.
Energjia elektrike ka arritur nivele rekord në bursa ku një megavat po shitet me mbi 500 euro. Korporata Elektroenergjitike vetëm për 8 ditë është detyruar që të realizojë dy tendera për të siguruar energjinë e nevojshme dhe në total ka blerë rreth 18 mln euro.
Sipas të dhënave të bëra publike, në tenderin e parë është blerë rreth 15 mln euro energji dhe 3 mln euro në tenderin e dytë. Në procedurën e parë energjia është blerë me 521,7 euro për megavat ndërsa në të dytën është arritur një çmim më i lirë dhe energjia është siguruar me 474 euro.
Sipas përllogaritjeve paraprake energjia pritet të kapë një faturë të kripur për buxhetin gjatë 3 muajve të verës .Ndërkohë që vjeshta parashikohet që të jetë edhe më e vështirë për sigurimin e energjisë elektrike në tregjet ndërkombëtare.
Qeveria ka planifikuar që të ndryshoj çmimin energjisë elektrike për familjarët të cilët shpenzojnë më shumë se 700 kë orë energji elektrike në muaj, por ende nuk ka një draft konkret në lidhje me këtë nismë e cila pritet të bëhet konkrete në shtator. Që prej nisjes së luftës në Ukrainë çmimet e energjisë elektrike kanë kapur nivele shumë të larta në bursa.
