Të ardhurat nga eksporti i energjisë 8.6 milionë euro
Stina e favorshme e reshjeve ka sjellë një prodhim të bollshëm si edhe mundësi të mëdha për eksport të energjisë elektrike. Kjo ka bërë që KESH të fitojë 4 milionë euro në tremujorin e parë të vitit 2016. Të dhënat janë publikuar edhe në faqen zyrtare të Ministrisë së Financave. Fitimi para taksave i kompanisë ishte 633 milionë lekë nga të cilat 95 milionë lekë ju paguan tatimeve si tatim mbi fitimin. Të ardhurat nga shitja e energjisë ishin 6.4 miliardë lekë nga të cilat, 3.6 miliardë lekë ishin arkëtime nga shitjet ndaj Operatorit të Shpërndarjes, dhe 1.3 miliardë lekë ishin të ardhura që u siguruan nga shitja e energjisë për mbulimin e humbjeve të OSHE-së.
Gjithashtu KESH ka raportuar se të ardhurat nga eksporti i energjisë gjatë tremujorit të parë ishin 8.6 milionë euro. Përgjatë këtij viti kompania ka zhvilluar 8 tenderë për eksportin e tepricave të energjisë.
