Korporata njofton se reshjet e shumta kanë çuar në 19 milion KWh prodhimin ditor të energjisë
Korporata Elektroenergjetike shqiptare konfirmon se rezerva energjetike e akumuluar në kaskadën e Drinit ditët e fundit, është rreth 1153.4 GWH. Drejtuesit e korporatës thanë se po shfrytëzohet situata optimalisht duke ngarkuar në maksimumin e mundshëm agregatët disponibël për të trajtuar prurjet në basenet e hidrocentraleve. Prodhimi ditor i energjisë elektrike nga HEC-et e Kaskadës së Drinit është rreth 19 milion KWh” thuhet në një njoftim për shtyp të KESH. Sipas deklaratës për muajin Shkurt, KESH po plotëson gjithë kërkesën e tregut të rregulluar të vendit, përfshirë humbjet në rrjetin e shpërndarjes. KESH informon gjtihashtu se energjinë shtesë të prodhuar në kushtet e prurjeve të mëdha hidrike (rreth 41,920 MËh për periudhën 13-20 shkurt) KESH e ka shitur në tregun e parregulluar, duke krijuar të ardhura shtesë prej 1.04 mln euro. Çmimi mesatar i ponderuar për sasinë e shitur për 8 ditët në vijim prej 41,920 MWh rezulton 24.70 Euro/MWh.
Sipas parashikimeve të bursës hungareze, gjatë gjithë muajit shkurt, çmimi i energjisë elektrike pritet të jetë i ulët. Sot në profilin bandë çmimi mesatar në bursën hungareze do të jetë 23.15 Euro/MWh.
