Ka nisur për të dytën ditë radhazi seanca e plenare në Kuvendin e Shqipërisë, me rendin e ditës ku përfshihen një sërë projektvendimesh dhe projektligjesh.
Deputeti socialist Erion Braçe ka shpërthyer në Kuvend teksa po fliste për bujqit duke thënë se i ka kërkuar qeverisë 1 miliard lekë plus në mbështetje për këtë shtresë, por kërkesa e tij nuk është marrë parasysh.
“Njerëzit që punojnë në këtë sektor, kërkova 1 miliard lekë plus për bujqit, 1 mld për këtë vit dhe për vitin e ardhshëm. Kërkova 1/30 për bujqit dhe blegtorët. Kërkova 1 nga të 152, pse, për të paguar naftës falas, për të gjithë familjet bujqësore. 34 mijë e kanë marrë deri më tani, dëgjova këtu 1 deputet që e di sesi gatuhen fasulet, të thoshte se e kanë marrë socialistët naftën. Pyet po Ahmet Kaloshi, Ilir Kaloshi, që kanë marrë litra naftë. Po Bexhet Cina, po Diell Sharka, Aleksandër Sharka që kanë marrë mijëra litra naftë.
Pse nuk u jepet bujqve atë që u takon, se kanë mbjellë tokat. Kërkova për të paguar mbështetje.
Një vajzë vetëm 15 vjeç, hyn në një stallë, përkëdhel lopën, e pastron lopën. E ushqen, kthehet sërish, pastron lopën, e bën gati ushqimin. E bën për 20 vite me radhë, nuk ka pasur jetë. E njëjta situatë është dhe për një djalë, ato punojmë ne ushqehemi. Nuk e duam jetën e tyre por as ata. Ne nuk e duam këtë jetë për fëmijët tanë, nuk e duam jetën e tyre por pse e nënvlerësojmë, vështirësojmë, kthejmë në ferr punën e vajzave dhe djemve, ndaj e lënë punën. Nuk kanë njerëz që i ndihmojnë”, tha deputeti.
