Kjo është historia e dy shqiptarëve të rinj, të dashuruar, prindërit e një foshnje vetëm një muajshe. Janë ndarë nga autoritetet franceze, teksa u nisën në emigrim për një jetë më të mirë në kampet e refugjatëve.
Mediat franceze i kanë kushtuar një lajm çiftit të të rinjve shqiptarë. Sipas tyre, Ronaldo është vetëm 17-vjeç dhe aktualisht është në një kamp refugjatësh në Cologne të Gjermanisë, në pritje të dëbimit për në Shqipëri.
Kurse gruaja e tij Paloma, së bashku me vajzën e sapolindur, pagëzuar me ermin Amira janë në një shtëpi në Lion të Francës.
Ai tregon jetën e vështirë që bënin në Shqiperi dhe mungesën e kushteve që të siguronin bukën, që e detyruan të merrnin rrugën e emigrimit, pa letra, në mënyrë ilegale. Por së fundi, ishin frikësuar, pasi sipas tij, disa njerez donin t’i trafikonin gruan për prostitucion në Itali.
Ai tregon se do të punojë, ka profesion mekanik, por nuk ka pasur mundësi.
“Që të punoj këtu me duhet të kem një diplomë, unë do të doja të shkoja në një shkollë profesionale, por nuk kam mundësi, as para dhe as mbeshtetje”- tregon ai.
Në fund ai ben një apel, për t’u bashkuar me familjen e tij, me gruan dhe vajzën, të jetojnë të gjithë në Francë.
