Numri 2 i Partisë Demokratike, Edi Paloka i është përgjigjur deklaratave të kryeministrit Rama bërë sot në kongres se PS është e gatshme të fitojë një mandat të tretë.
Përmes një postimi në Facebook, Paloka shkruan se asnjë makinacion nuk e ndal më largimin e Ramës nga pushteti, ndërsa shton se e vetmja gjë për të cilën Rama duhet të marrë vendim tani është nëse do pranojë të largohet me votë apo si Gadafi.
Postimi i plotë:
Kërkon 800 mijë vota dhe mandat të tretë…!
Kryeministri më i urryer , të cilin shqiptarët mezi po presin ta qërrojnë një orë e më parë, kërcënon se do të tentojë një mandat të tretë.
Asnjë shans nuk ka të pengojë rrotacionin! Asnjë makinacion nuk e ndal më largimin e Ramës nga pushteti.
E vetmja gjë për të cilën Rama mund të marrë vendim tani , është nëse do pranojë të largohet me votë apo si Gadafi. Kjo zgjedhje është në dorë të tij sepse shqiptarët e kanë marrë tashmë vendimin e tyre. Shume prej tyre në fakt do preferonin që Rama të bënte zgjedhjen e dytë; një fund si Gadafi…!
