Ish-deputeti i PS-së, Andis Harasani që prej disa vitesh jeton larg politikës dhe Shqipërisë tashmë ka gjetur mundësinë për të bërë sarkazëm me ngjarjen e fundit në politikën shqiptare, atë të ndryshimit të emrave të kryebashkiakëve dhe deputetëve, kryesisht nga radhët e PS-së.
“Kërkoj falje që s’kam ndërruar emrin”, shkruan ai në rrjetet sociale dhe menjëherë komentuesit kanë bërë humor me të duke i kujtuar se në fakt mund të ndryshojë mbiemrin.
“Mbiemrin e dytë e ke Terri”, i thotë një nga komentuesit duke kujtuar sulmet e ish-kryeministrit Berisha ndaj tij, duke aluduar për kohën, kur drejtonte KESH-in dhe në vend iknin për orë të tëra dritat.
