Pasditen e sotme në media janë shpërndarë dy letra me përmbajtje të ngjashme, ku kërkohet shkarkimi i Lulzim Bashës nga drejtimi i Partisë Demokratike.
Në letrën e parë, që është nënshkruar nga më shumë persona, ku kryesojnë emra të rëndësishëm si Besnik Mustafaj, Gjergj Lezhja, Tomorr Alizoti, Julian Deda, Leonard Olli, Zana Guxholli, Majlinda Bregu, Genc Ruli, Ridvan Bode, Armand Teliti, Astrit Patozi, etj.
Megjithatë lista thuhet se është e hapur për nënshkrim. Firmosësit kërkojnë dorëheqjen e parevokueshme të Bashës. Kjo do të thotë se ai nuk do të mund të rikandidojë për kreun e PD.
Deklarata e dytë, e firmosur nga më pak zyrtarë, kërkon vetëm dorëheqjen e Bashës. Ajo mban firmën e Edit Harxhit dhe Jamarabër Malltezit, dhëndër i ish-kryeministrit Sali Berisha.
Ndërkohë në murin e selisë së Partisë Demokratike është vendosur një banderolë me shkrimin “Basha ik”
Ja deklarata e potë:
Të shqetësuar:
-Për rezultatin katastrofik te PD në këto zgjedhje;
-Për thellimin e dobësimit të kapaciteteve konkuruese elektorale dhe organizative të PD-së
-Për shkeljet e rënda dhe nëpërkëmbjet statutore 4 vjeçare,
-Për kërcënimin e identitetit tonë si demokrate nga goditjet sistematike të qëllimshme e kompleksive të simboleve të PD,
-Për mospërfilljen e vazhdueshme të forumeve vendimmarrëse të PD-së;
-Për mungesën e një perspektive të afërt, të qartë,shpresëdhënëse për demokratët;
Të ndërgjegjshëm për peshën e r?ndë të misionit opozitar përballë maxhorancës të pamerituar dhe të pakontrolluar të Edi Ramë-s e cila u mundësua nga sjellja e papërgjegjshme dhe pazaret okulte politike të Lulzim Bashës.
Të ndodhur në një situatë të paprecedent të rënies së rezultateve elektorale të PD-së gjatë kohës së qënies në opozitë dhe të precedentit të zbatuar ne PD nga Kryetari i Partisë,për raste të tilla;
Kërkojmë:
1.Dorëheqjen e menjëherëshme dhe të parevokueshme të Kryetarit, Lulzim
Basha, si përgjegjës i vetëm për humbjen e paprecedent dhe dramatike të PD në këto zgjedhje si dhe për dështimet e njëpasnjëshme elektorale gjatë mandatit të tij.
2.Fillimin e një procesi të analizës dhe reflektimit serioz e te pergjegjshem per Rindërtimin e shpejtë te PD, si hap i parë për ringritjen e të djathtës në Shqipëri.
3.Zhvillimin e një procesi zgjedhor gjithëpërfshirës dhe me garanci të plota statutore dhe të çliruar nga çdo ndikim i hapur ose i fshehtë.
I bëjmë thirrje cdo demokrati që t’i bashkangjitet listës së hapur që shoqëron këtë qëndrim.
