Për të rinjtë që preferojnë shkollat profesionale, Teknologjia e Informacionit është kthyer në një nga zgjedhjet kryesore në vendin tonë.
Gjatë një vizite në shkollën e Teknologjisë së Informacionit, ministri i Mirëqënies Sociale dhe Rinisë tha se vetëm gjatë këtij viti shkollor ka pasur dyfishim të regjistrimeve që gjithësesi nuk i përmbushën kërkesat që janë dhjetë herë më të mëdha.
Nisur nga kërkesat por edhe nevojën e madhe që ka tregu për punonjës informatike, ministri tha se vitin e ardhshëm do të ngrihet një rrjet shkollash tenkologjike në tre qytete.
Klosi: Mendoj që i gjithë programi jonë në arsimin profesional këtu në shkollën tuaj e ka dritën më të shkëlqyer dhe rezultate më spektakolare. Në fillim të këtij viti të ri shkollor ne jo vetëm kishim dyfishim të nxënësve të regjistruar, por kishim dhjetëra herë për këtë shkollë kërkesa më të larta. Edhe me buxhetin e ri të kemi mundësinë që këtë shkollë ta bëjmë shkollë të plotë dhe si ky meodel të kemi mundësinë të ndërtojmë një shkollë të tillë në Tiranë, Durrës dhe Korçë. Duke iu dhënë rrjetit të shkollave të TI një zhvillim afatgjatë.
Koordinatori i Kombeve të Bashkuara në vendin tonë, Brian Williams theksoi rëndësinë e kësaj platforme për ta bërë Shqipërinë një vend më të mirë për të jetuar.
Brian William: Kjo platformë ka një forcë të pashoqe sepse ajo mbledh sëbashku një komunitet studentësh për të shkëmbyer përvojat dhe njohuritë e tyre dhe për të sjellë ide të reja sesi ta bëjmë Shqipërinë një vend më të mirë për të jetuar.
