Një plagosje me armë zjarri është shënuar para pak minutash në Tiranë. Burime nga policia bëjnë me dije se një punonjës i IMT-së është plagosur sot nga një person ende i paidentifikuar.
Sipas njoftimit të bluve, ngjarja ka ndodhura rreth orës 17:30, në kryqëzimin e rrugëve “Todi Shkurti” me rrugën “Kristaq Capo”.
Punonjësi i I.M.T-së, rreth 50 vjeç sapo kishte përfunduar zbatimin e një vendimi dhe më pas është qëlluar me armë zjarri në bark. 50- vjeçari u dërgua në spital dhe ndodhet në sallë nën kujdesin e mjekëve. Ndërsa nga të dhënat e deritanishme bëhet me dije se autori u kap nga shërbimet.
Nuk dihen ende shkaqet e kësaj ngjarjeje, ndërsa pritet të merret në pyetje autori për të cilin policia pretendon se e ka vënë në pranga.
Gijotina.com do t’iu mbajë të informuar lidhur me informacionet më të fundit për këtë ngjarje.
