Janë dy lojtarë të skualifikuar nga Gjyqtari Sportiv – të dy për një ndeshje – në lidhje me ndeshjet e javës së 31-të të Serisë A. Ata janë Marco Faraoni nga Verona dhe Leonardo Sernicola nga Cremonese, të cilët tashmë janë skualifikuar.
Për një ditë u skualifikua edhe ndihmëstrajneri i Juventusit, Marco Landucci, “për shkak se në fund të ndeshjes, në dhomat e zhveshjes, iu drejtua trajnerit të ekipit kundërshtar me epitete ofenduese dhe kërcënuese” (Landucci iu drejtua Spallettit me shprehjen “ore tullac i m***t, unë të shqyej zemrën!”). Për të edhe pesë mijë euro gjobë.
Vetë Juventusi u gjobit me 15,000 euro “për shkak se mbështetësit e klubit, para fillimit të ndeshjes, adresuan fyerje kundrejt arbitrit të ndeshjes; gjithashtu për shkak se mbështetësit e ekipit piemontez, gjatë ndeshjes, intononin vazhdimisht koret fyese të një natyre diskriminuese ndaj mbështetësve të ekipit kundërshtar”.
Ndërkohë, Roma do të duhet të paguajë gjithashtu gjobë (10,000 euro) për hedhjen e objekteve nga mbështetësit e tyre në sektorin e zënë nga tifozët kundërshtarë dhe për dy bomba tymuese në fushë që detyruan arbitrin të ndërpresë ndeshjen.
Ekipet e tjera të gjobitura janë, Sampdoria (tetë mijë euro) për hedhjen e bombave tymuese, me ndërprerje të ndeshjes; Atalanta (pesë mijë euro), për hedhjen e sendeve në fushë dhe thirrjet fyese ndaj trajnerit të ekipit kundërshtar; Lacio (pesë mijë euro) për hedhje të sendeve ndaj tifozëve kundërshtarë; Milan (pesë mijë euro) për “një kor vulgar me karakter territorial ndaj tifozëve të tjerë”.
Nga ana tjetër, nuk u mor asnjë masë për ofendimet raciste të drejtuara nga disa tifozë të Lazios ndaj Singos dhe Karamoh në ndeshjen kundër Torinos: në fakt, nuk kishte asnjë raport nga gjyqtari sportiv dhe nga inspektorët federalë. Me sa duket ata nuk e kanë dëgjuar atë që ishte qartësisht e perceptueshme nga shumë shikues si në stadium ashtu edhe në televizor.
The post Kërcënoi Spallettin, dënohet ndihmësi i Allegrit appeared first on 27.
