Presidenti i Turqisë Rexhep Tahjip Erdogan, iu kundërpërgjigj homologut amerikan, Donald Trump, i cili kërcënoi se do të shkurtojë ndihmat për vendet që mbështesin rezolutën e OKB.
“Trump, ti nuk mund të na blesh me para. Shpresoj dhe pres që Shtetet e Bashkuara të mos marrin rezultatin që pret nga OKB dhe në këtë mënyrë bota do t’i japë një mësim shumë të mirë Amerikës. Si e quajnë Amerikën? Djepi i demokracisë? Shtrati i demokracisë po kërkon që vullnetet të blihen me dollarë. Z. Trump, nuk mund ta blini vullnetin demokratik të Turqisë me dollarët tuaj. Ky është vendimi ynë” tha presidenti turk.
Trump kërcënoi një ditë më parë se do të ndërpresë ndihmën financiare për vendet që votojnë në favor të rezolutës se OKB e cila synon që SHBA të tërheqin vendimin për njohjen e Jerusalemit si kryeqytetin e Izraelit.
