Prej tre vitesh Australia ka marrë pjesë në Eurovision dhe shumë pak njerëz janë krejtësisht të qartë se përse ka ndodhur kjo. Edhe pse është larg kontinentit plakë, Australia ka marrë pjesë prej vitit 2015 ku u ftua në ditëlindjen e 60 të kompeticionit europian. Televizioni australian ka transmetuar për disa vite me radhë festivalin, ndaj organizatorët e kanë parë të arsyeshme t’i ftojnë në konkurrim.
Në vitin 2015 Australia konkurroi me Guy Sebastian që u rendit i pesti. Por ftesa u përsërit sërish në vitin 2016 duke u bërë traditë tashmë. Këtë vit, Australia përfaqësohet me Jessica Mauboy e cila shpreson të jetë fituese, por nëse ndodh kjo çfarë mund të themi për garën e vitit 2019? Ftesa ndaj Australisë është një gjë, por organizimi i festivalit nga ky vend është krejt tjetër.
Pjesëmarrja e Izraelit e ka përgjigjjen tek Unioni Europian i Transmetimeve (EBU), që është përgjegjës për transmetimin e festivalit. Edhe pse është pjesë e Lindjes së Mesme, Izraeli ka garuar në festival prej vitit 1973 ku dhe ka fituar 3 herë. Autoriteti i transmetimit të izraelit është gjithashtu anëtar i EBU, ndaj dhe kjo i ka garantuar Europën. Rusia gjithashtu ka bërë debutimin e parë në Eurovision në vitin 1994, pasi u bë anëtare e EBU.
