Nga leximi i gazetave tek këngët e dashurisë me korba. Një dramë e shkëlqyer e shkrimtarit Bashkim Hoxha, me regjinë e rrallë të Laert Vasilit në Teatrin Eksperimental.
Në fakt, kemi të bëjmë me një ngjarje të rëndësishme kulturore, ku drama e fortë i ngjan një muzikali, ku interpretojnë në një nivel të lartë artistik Laert Vasili, Artemisa Kusi, Arjola Basho, Jaho Guma dhe Josif Sina.
Një histori dashurie e nisur 20 vite më parë…, e cila shoqërohet nga një kor korbash 20 vite më pas, atëherë kur vajza apo mirazhi i saj rikthehet për t’u hakmarrë.
Një dyluftim mes korbave dhe engjëjve të bardhë… Një histori për të mos u humbur.
“Ishte një pasazh jete, një dramë e vërtetë, nga ato që nuk mund të korrigjohen, ku shpirti lidhet me pendesën dhe vuajtjen më të rëndë, e shprehur në një formë të veçantë artistike, shumë mirë e konceptuar nga autori“, shkruan Frederik Stamati.
