Një moment shumë interesant i programit “E ardhmja është vajzë” ishte pikërisht mesazhi i gazetarit dhe moderatorit të njohur, Enkel Demi, ndaj bashkëshortes së tij, politikanes Mesila Doda, ndaj dhe ky moment ishte shumë emocionues e i mbushur me humor për të.
Ai zgjodhi të kishte edhe djalin e tyre në krah, për t’i dhënë mesazhin emocionues. “Jam shumë i lumtur që kam gati 30 vjet që rrugëtoj me të, ajo është shoqja ime më e ngushtë. Falë saj, impenjimit të saj, edukimit të saj kam dy fëmijë të jashtëzakonshëm njërin prej të cilëve e kam këtu afër. Nuk e di çfarë do mendojnë shqiptarët në 25 prill por për ne është jashtëzakonisht e vyer dhe falë Zotit shyqyr që e kemi”.
Ky mesazh emocionoi Mesilën dhe e bëri të qeshë edhe deklarata e të birit në fund i cili e mbylli me një fjali: “Ajo që tha ai por më bukur”. Për një grua të politikës është shumë e rëndësishme mbështetja e familjes e mesa duket, Mesila tashmë e ka një fitore.
