Ashtu sikurse femrat që kalojnë në menopauzë rreth të pesëdhjetave, edhe meshkujt mund të kalojnë në andropauzë.
Është momenti, kur meshkujt nuk kanë dëshirë për seks dhe nuk tërhiqen prej tij më.
Por si të kuptojmë shenjat që tregojnë se mashkulli po kalon në andropauzë?
Një studim i fundit ka zgjeruar listën e shenjave që kanë meshkujt, kur po kalojnë në andropauzë dhe sugjeron disa gjëra për kalimin apo evitimin e kësaj situate.
Problemet e seksit– Testosteroni është udhëheqësi i dëshirës seksuale, madje as viagra nuk mund të ndihmojë, nëse ai mungon ose është në nivele të ulëta. Rënia e testosteronit ul dëshirën seksuale te meshkujt. Nëse mashkulli juaj nuk ka dëshirë për seks, atëherë nevojitet një vizitë te doktori.
Temperatura dhe djersë të shpeshta– Meshkujt që kalojnë në andropauzë kanë një nivel të ulët testosteroni, por duke qenë se testikujt vazhdojnë të prodhojnë, atëherë rritet niveli i estrogjenit. Kjo çon në temperatura të larta dhe djersitje të shpeshta.
Lodhje e shpeshtë, muskuj të dobët– Testosteroni është thelbësor në mbajtjen e muskujve në formë dhe forcimin e kockave. Ulja e nivelit të tij i jep meshkujve lodhje trupore dhe dobësim të kockave.
Humbja e vetëbesimit, nervozizmi– Janë të tjera shenja të andropauzës te meshkujt. Këto vijnë, pasi testosteroni rrit humorin dhe ndjesinë e të qenit mirë te meshkujt. Mungesa e tij iu çon në një humb je totale vetëbesimi, ankthi dhe nervozizmi të vazhdueshëm.
Por, cila është mënyra më e mirë për të rekuperuar testosteronin?
Mjekët këshillojnë ushtrimet e shumta dhe rënien në peshë.
Rënia në peshë rrit sasinë e testosteronit të çliruar dhe gjithashtu u jep një impuls muskujve.
Gjithashtu, mjekët këshillojnë që të shtoni orët e gjumit, pasi iu ndihmojnë në rekuperimin e testosteronit.
