Presidenti Ilir Meta ka publikuar një foto me konsullin e nderit të Shqipërisë në Kalabri, Aldo Marino, të cilin e prezanton si promotor të marrëdhënieve tona me arbëreshët në të gjitha fushat.
Meta shprehet optimist se forcimi i marrëdhënieve me botën arbëreshe do të arrijë pritshmëritë që kjo trashëgimi t’u qëndrojë edhe shekujve që vijnë.
Postimi i plotë
Kë duan më shumë arbëreshët, Italinë apo Shqipërinë? Kur një diplomat i lartë italian i bëri këtë pyetje Aldo Marinos, mori një përgjigje interesante: Është si të pyesësh një fëmijë se kë do më shumë mamanë apo gjyshen. I lumtur ta takoja Aldo Marinon, promotorin e palodhur të marrëdhënieve tona me arbëreshët në të gjitha fushat. I bindur se në pak vite forcimi i marrëdhënieve me botën arbëreshe, do të arrijë pritmëritë tona, që kjo trashëgimi e përbashkët, t’u qëndrojë me krenari edhe shekujve që vijnë.
