Selia e Shenjtë ka shpallur lumturimin e 38 martirëve të Kishës Katolike. Mesha e shenjtë në Katedralen e Shën Shtjefnit në Shkodër është udhëhequr nga i dërguari i Papës Françesku, Prefekti i Kongregatës për Çështjet e Shenjtorëve, kardinali Angelo Amato.
Imzot Anxhelo Masafra ka paraqitur një arkëmort, ku u shpreh se në të janë eshtrat vetëm të dhjetë martirëve, sepse mbetjet e 28 të tjerëve nuk ka qenë e mundur të gjenden.
Lumturimi i martirëve është menduar si festë për Kishën Katolike, besimtarët dhe mbarë qytetin e Shkodrës.
Dëshmorët e kishës u torturuan dhe u vranë mizorisht, sepse nuk pranuan të mohojnë Zotin dhe të zgjedhin në vend të tij rregjimin e Enver Hoxhës.
Në ceremoni morrën pjesë edhe udhëheqësit politikë më të lartë të vendit, të cilët nuk kanë bërë asgjë për të dënuar krimet e komunizmit, nderimet ndaj udhëheqjes së kuqe dhe bashkëpunëtorëve të regjimit enverist
