Përfaqësuesi ligjor i grupimit për rithemelimin e Partisë Demokratike, Ivi Kaso, ka folur për zhvillimet e fundit në kampin opozitar. Pas mbledhjes së mbrëmshme ku u mbajt mbledhja e kryesisë së PD me kryetarin e komanduar Enkelejd Alibeaj, të cilët i kanë bërë thirrje grupit të rithemelimit të pezullojë të gjitha aktivitetet politike si një shenjë për bashkimin e partisë.
I pyetur nëse mund të rrëzonte vendimin e njohjes së Kuvendit të 11 dhjetorit, Kaso tha se nuk e dinë bindjen e brendshme që i krijohet gjykatës, por mund të flasë vetëm me fakte dhe prova.
“Po përgjigjem me diçka që është interesante në Kodin tonë kur flitet për vendimet e gjykatës. Shumë pak e dinë që gjykata vendos bazuar mbi faktet, provat të raportuara me ligjin dhe me bindjen e brendshme që i krijohet gjykatës. Unë di të them që faktet, prova dhe ligji janë aty dhe janë të pakontenstueshme nga askush. Bindja e brendshme që i krijohet gjykatës është diçka që askush nuk e di, por e kemi dhe në ligj, gjykatat gjykojnë dhe vendosin në republikën e Shqipërisë, përveç fakteve dhe provave dhe bindjen e brendshme kështu që për këtë pjesë nuk di të shprehem por për ligjin sa i saktë është, statutin, faktet dhe provat di të garantoj” – tha Kaso.
