Policia kufitare e Kapshticës ka sekuestruar 39 kg kanabis sativa e cila kishte si destinacion Greqinë. Gjithashtu në prangat e policisë ka rënë një shtetas maltez, i cili po tranportonte drogën me automjetin e tij.
Ronald Galea, 45 vjeç u arrestua në momentin kur në automjetin e tij tip “Ford” me targa HBQ412 u gjend sasia e drogës e ndarë në 76 pako.
Droga u gjend pasi policia vendosi të skanojë mjetin dhe më pas gjeti sasinë e drogës të fshehur në dyshemenë e komionit.
Materialet për hetime të mëtejshme i kaluan Prokurorisë të Krimeve të Rënda në Tiranë, për veprën penale “trafikimi i narkotikëve, mbetur në tentativë”.
