Arrestohet trafikanti i lëndës narkotike
Policia Kufitare ka sekuestruar 31 pako me peshë 30 kg, lëndë të dyshuar narkotike të llojit kanabis sativa.
Në prangat ka përfunduar edhe poseduesi i lëndës, Aldo Neli, 29 vjeç nga Zallherri i Tiranës. Sasia e lëndës narkotike u gjet gjatë kontrollit të detajuar të ushtruar, në automjetin tip “Audi A6” .Droga ishte fshehur në një pjesë të modifikuar midis sediljes së prapme dhe bagazhit.
Policia bën me dije se droga kishte për destinacion qytetin e Selanikut në Greqi.
