Një person me rrezikshmëri të lartë shoqërore është arrestuar sot nga një operacion blic i zhvilluar në Shkodër nga Forcat Speciale RENEA. Policia sqaron se është vënë në pranga 49- vjeçari i identifikuar me iniciale Agim Gjata, i cili rezulton i dënuar më parë për vrasjen e Ndoc Çelikut, ngjarje e ndodhur në 2011-tën. Ndërsa ishte shpallur në kërkim për armëmbajtje pa leje.
Në momentin që shërbimet e Policisë kanë rrethuar banesën dhe i kanë bërë thirrje, në emër të Policisë së Shtetit, për t’u dorëzuar, 49-vjeçari ka qëlluar me armë zjarri në drejtim të shërbimeve të Policisë.
Efektivët pak disa orësh bënë të mundur neutralizimi e vrasësit që qëlloi me armë zjarri në drejtim të shërbimeve të Policisë.
“Si rezultat i operacionit “Neutralizimi” u kap dhe u vu në pranga shtetasi i shpallur në kërkim për armëmbajtje pa leje, Agim Gjata 49-vjeç, banues në Barbullush, i dënuar më parë për vrasje”, njofton policia.
Shërbimet e Forcës Speciale RENEA i kanë sekuestruar në cilësinë e provës materiale armën e zjarrit kallashnikov dhe gjatë kontrollit, i kanë gjetur dhe i kanë sekuestruar 49-vjeçarit edhe një armë zjarri tjetër pistoletë dhe një palë dylbi.
Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.
