Tre ditë më parë, gjatë një operacioni në Lambrate të Italisë, Policia italiane ka arrestuar katër persona dhe ka sekuestruar rreth 40 kg marijuanë.
Karabinierët hynë në një garazh dhe gjetën sasinë e drogës, si dhe një shumë parash (97 mijë euro). Mësohet se garazhi ishte në pronësi të një ultrasi të klubit të Interit, Mauro Zuçhi, 49 vjeç.
Së bashku me të u vunë në pranga edhe dy italianë, 30 dhe 40 vjeç, si dhe 51-vjeçari shqiptar Ilir Durbaku.
Mësohet se Durbaku ka qenë në arrati prej 5 vitesh, pasi ishte dënuar me 10 vite e 8 muaj burg, me akuzën e pjesëmarrjes në një grup kriminal që merrej me trafik narkotikësh.
Arrestohet 37-vjeçari në Paskuqan, në momentin e ndalimit mbante maskë silikoni dhe… –
Policia e Tiranës ka parandaluar një ngjarje kriminale si dhe ka zbardhur dy ngjarje të tjera, të cilat dyshohet se...
