Policia ka arrestuar Elton Likën në pikën kufitare të Morinës me 7 pako me lëndë narkotike kanabis sativa, me peshë 2.5 kg. Ky person ishte shpallur në kërkim mëparë nga policia e shtetit për vjedhje bankash dhe arkave të kursimit i njohur. Elton Lika i njohur dhe me emrin Fatjon kishte fshehur lëndën narkotike në sediljen e pasme të makinës dhe po tentonte të largohej drejt Kosovës.
Policia: Shërbimet e Policisë Kufitare Morinë mbi bazën e informacioneve të marra në rrugë operative se një automjet tip “Renault”me targa TR 8348 R, mund të transportonte lëndë narkotike, menjëherë porsa ka mbërritur ky automjet e kanë kaluar për kontroll të imtësishëm në vijë të dytë.
Nga kontrolli rezultoi se në brendësi të automjetit poshtë sendileve të pasme, ju gjetën dhe sekuestruan 7 pako të mbështjella me natriban, të dyshuara me lëndë narkotike Cannabis Sattiva, me peshë rreth 2.5 kg.
Gjithashtu gjatë verifikimit të të dhënave në sistem rezultoj se drejtuesi i mjetit, shtetasi:
– Elton ( Fatjon ) Lika, 33 vjeç, lindur dhe banues në Tiranë, figuronte person i shpallur në kërkim nga Drejtoria e Policisë së Shtetit, për veprën penale “Vjedhje e bankave dhe arkave të kursimit, kryer në bashkëpunim”, parashikuar nga neni 136/2 të K.Penal.
