Një 29 vjeçar kuksian është proceduar penalisht pasi i janë gjetur 57 mijë euro të padeklaruara, të fshehura në makinë.
I ndaluari është shtetasi me iniciale E.P., banues në Kukës me akuzën e “mosdeklarimit në kufi të të hollave dhe sendeve me vlerë”.
“Në Pikën e Kalimit Kufitar Vlorë, shërbimet e Policisë Kufitare, në bashkëpunim me Drejtorinë e Doganës Vlorë dhe DVP Vlorë, pas kontrollit në vijën e dytë të një automjeti me targë gjermane kanë konstatuar të fshehura në brendësi të mjetit dy pako të mbështjella, brenda të cilave kishte një sasi eurosh të padeklaruara në kufi. Nga verifikimet e mëtejshme rezultoi se në automjet ishin fshehur rreth 57000 euro, të cilat u sekuestruan menjëherë nga policia”, njofton Policia.
https://www.facebook.com/1502420603377639/videos/2599578246938664/?v=2599578246938664
