Një sasi e madhe kokaine, me vlerë 2.7 milion euro është sekuestruar brenda një kontejneri në një prej porteve të Maltës.
Mësohet se ngarkesa ishte nisur nga Amerika Latine dhe kishte për destinacion Tiranën. Droga u gjet gjatë skanimit të kontejnerëve në terminalin e portit “Freeport” të Maltës këtë të martë.
Droga ishte paketuar në 20 qese të shënuara me GN dhe fotografi dalluese. Skaneri dalloi disa parregullsi në ngarkesa dhe pas kontrollit rezultoi se në një prej kontejnerëve frigoriferikë ishin fshehur 24 kilogramë kokainë.
