Policia e Tiranës ka bërë të mundur arrestimin në flagrancë të një 21 vjeçari pasi gjatë një kontrolli rutin në sheshin “Nënë Tereza”, këtij shtetasi iu gjet një sasi lënde narkotike.
Shetasi i vënë në prangat e policisë është Xhiseldo Kaliqit, 21 vjeç, banues në Tiranë. Ndërkaq dhe gjatë një kontrolli të ushtruar në banesën e këtij shtetasi iu gjet një tjetër sasi lënde narkotike.
Në cilësinë e provës materiale u sekuestrua:
-0.9 (zero pikë nëntë) gr, bimë e dyshuar narkotike e llojit Cannabis Sattiva.
– 37 (tridhjetë e shtatë) fara të dyshuara të llojit Cannabis Sattiva.
Materialet i’u kaluan Prokurorisë pranë Gjykatës së Shkallës së Parë Tiranë për veprën penale të parashikuar nga Neni 283 i Kodit Penal.
