Një fabrikë e licencuar për kanabis mjekësor, dyshohet se ka pasur në të një sasi të konsiderueshme droge të paligjshme.
Sipas njoftimit të policisë së Shkupit, fabrika e ndodhur në fshatin Orovnik të komunës Debërcë nga vëzhgimi, u konstatua se nuk ishte në gjendje prodhimi, pasi sipas deklarimeve nga kompania, po rinovonte hapësirën.
Në ambientet e jashtme të saj u gjetën 2388 bimë kanabisi në kundërshtim me kushtet e përcaktuara me ligj për kultivimin për arsye medicianale. Po ashtu autoritetet thonë se zbuluan brenda ambienteve të fabrikës edhe 1066 fidanë dhe qindra kilogramë bimë kanabisi.
Gjatë kontrollit të policisë gjetën në ambientet e fabrikës, një person që rezultonte ligjërisht i papunë dhe 5 shqiptarë, të punësuar në subjektin juridik, por pa dokumente.
