Policia ka dhënë detajet e operacionit të zhvilluar dje ku në pikën kufitare të Kakavijës u sekuestrua një sasi droge dhe u arrestuan dy persona, të cilët po tentonin të përfitonin nga situata e krijuar në kufi, për të kaluar në shtetin fqinj lëndën narkotike.
Konkretisht u arrestuan K. M., 22 vjeç, banues në fshatin Karjan, Gjirokastër dhe Dh. K., 48 vjeç, banues në Kotë, Vlorë. 22-vjeçari K.M ishte shoferi i mjetit i cili kishte brenda dy çanta me 21 kilogramë kanabis sativa, si dhe lëndë narkotike e presuar në trajtën e cokollatës, të cilat u sekuestruan në cilësinë e provës materiale.
Nga veprimet e kryera hetimore rezultoi se lëndën narkotike do ta transportonte për në shtetin Grek shtetasi Dh. K, gjithashtu i arrestuar. Sakaq u shpall në kërkim shtetasi J. K., si organizator i kësaj veprimtarie kriminale.
Po kështu gjatë kontrollit të banesës së shtetasit K.M. u konstatuan të kultivuara disa bimë narkotike.
