Dy persona kanë përfunduar në pranga nga policia e Kurbinit pasi akuzohen për vjedhje në bashkëpunim.
Në pranga u vunë shtetasit Feridon Hasanaj 30 vjeç nga Tirana dhe Pjetër Marku 43 vjeç nga Laçi.
Policia sqaron se këtyre 2 shtetasve, në aksin e rrugës së fshatit Fushë-Kuqe, në Kurbin , në mjetin e tyre Opel, gjatë kontrollit të ushtruar u janë gjetur sende e mjete që përdoren për kryerjen e vjedhjeve.
Konkretisht , materialet e gjetura që u sekuestruan në cilësinë e proves materiale janë :
– 1 ngjitës natriban transparent
– 1 pulover me ngjyrë të zezë me kapuç
– 1kapuç me ngjyrë të zezë
– 2 palë doreza
– 1 çakmak me dritë
– 2 thasë sintetik
– 1 thikë
– 1 çantë krahu
– 1 palë pinca
– 3 kaçavida me madhësi të ndryshme
– 1 çelës anglez
– 1 levë
Vazhdojnë hetimet për dokumentimin ligjor të autorësisë nëse këta shtetas janë të implikuar në ndonjë rast kriminal në fushën e vjedhjeve.
