Dy persona kanë rënë në prangat e policisë së shtetit pasi akuzohen se kultivonin bimë narkotike.
Në pranga kanë rënë shtetasit A. V., 40 vjeç dhe A. (A). V., 38 vjeç, banues në Baltëz, Fier.
Personat në fjalë janë arrestuar pasi pasi janë kapur në kushtet e flagrancës duke tentuar të kultivonin bimë narkotike cannabis sativa në afërsi të tokës së shtetasit A. (A). V në fshatin Baltëz.
Njoftimi i policisë:
Vijon kontrolli masiv i territorit.
Evidentohet dhe goditet një tjetër rast i tentativës për kultivim të kanabisit.
Arrestohen në flagrancë 2 shtetas.
Shërbimet e Policisë Fier, në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, gjatë kontrollit të territorit, bazuar dhe në informacionet e marra në rrugë policore, kanë evidentuar dhe goditur një rast të tentativës për kultivim të kanabisit.
Në përfundim të veprimeve, specialistët për Hetimin e Krimeve në Komisariatin e Policisë Fier, arrestuan në flagrancë shtetasit A. V., 40 vjeç dhe A. (A). V., 38 vjeç, banues në Baltëz, Fier.
Arrestimi i këtyre shtetasve u bë pasi janë kapur në kushtet e flagrancës duke tentuar të kultivonin bimë narkotike cannabis sativa në afërsi të tokës së shtetasit A. (A). V në fshatin Baltëz.
Materialet i kaluan Prokurorisë pranë Gjykatës së Shkallës së Parë Fier, për veprën penale “Kultivimi i bimëve narkotike”.
