“Hijet e natës” në Kukës, në pranga 4 të rinj nga Hasi dhe 1 nga Vlora
Policia e Kukësit ka arrestuar 5 të rinj të cilët u kapën me 3 kilogramë lëndë narkotike. Arrestimi i tyre u bë në kuadër të operacionit policor të koduar “Hijet e natës”. Ata janë kapur në afërsi të spitalit të Kukësit. Sipas njoftimit të policisë fjala është për “katër të rinj nga Hasi dhe një 17 vjeçar nga Vlora pasi në mjetin e tyre tip “Toyota” me targa AA 786 CD, iu gjetën dhe sekuestruan rreth 3 kg lëndë narkotike e dyshuar kanabis të cilën po tentonin ta shisnin”.
Lënda narkotike ka qenë e futur në një valixhe, e cila është sekuestruar së bashku me automjetin me të cilin të rinjtë po lëviznin.
Me akuzën “Prodhimit dhe shitje e lëndës narkotike, në bashkëpunim” janë arrestuar:
- Shkumbin Muslikaj, 19 vjeç , banues në fshatin Branog- Has.
- Hasan Jupa, 18 vjeç, banues në fshatin Gajrep- Has.
- Alban Shuti, 20 vjeç, banues në fshatin Bregov-Has.
- J, 17 vjeç, lindur dhe banues në fshatin Velcë, Vlorë.
- Imerli Muslika, 34 vjeç, banues në fshatin Branog- Has.
