Një tren udhëtarësh me 1.200 pasagjerë në Nju Jork ka mbetur i bllokuar për tre orë si pasojë e ndërprerjes së energjisë elektrike.
Treni ka mbetur i bllokuar poshtë lumit Hjudson, mes Nju Xhersit dhe Stacionit Pen.
Pasi treni ka mbërritur në destinacion, turma e madhe e udhëtarëve ka humbur durimin teksa priste. Më pas, një lajm për të shtëna me armë ka krijuar panik.
Lajmi u përhap pasi agjentët e sigurisë të stacionit ndërhynë për të neutralizuar një person të pajisur me një pistoletë elektrike.
Por, nga frika e një atentati, turma u frikësua dhe u vu në lëvizje. Për pasojë 16 persona u shtypën dhe mbetën të plagosur rëndë.
