Qeveria kanadeze njoftoi të hënën se nuk do t’u kërkojë më njerëzve të mbajnë maska në avionë për t’u mbrojtur kundër COVID-19.Transport Canada tha se rregullat ekzistuese për maskat do të hiqen më 1 tetor
“Ne jemi në gjendje ta bëjmë këtë sepse dhjetëra miliona kanadezë përveshën mëngët dhe u vaksinuan”, tha ministri i Transportit Omar Alghabra.
Zyrtarët qeveritarë konfirmuan gjithashtu se Kanadaja po heq kërkesën për vaksina për njerëzit që hyjnë në vend në fund të muajit. Kanadaja, ashtu si Shtetet e Bashkuara, kërkon që shtetasit e huaj të vaksinohen kur hyjnë në vend. Në SHBA nuk pritet asnjë ndryshim në mandat në një afat të afërt.
Udhëtarët e huaj të pavaksinuar që lejohen të hyjnë në Kanada janë aktualisht subjekt i testeve të detyrueshme të mbërritjes dhe një karantine 14-ditore. Qeveria e kryeministrit Justin Trudeau ka rënë dakord të lejojë që një urdhër i kabinetit që zbaton kërkesat e detyrueshme të vaksinimit kundër COVID-19 në kufi të skadojë më 30 shtator. Associated Press raportoi javën e kaluar se Trudeau e nënshkroi atë. Qeverisë gjithashtu nuk do t’u kërkoje më pasagjerëve të bëjnë teste para-bordit për anijet e lundrimit.
