Kampioni i botës Briken Calja ka mposhtur Erkand Qerimaj në peshën deri 81 kg. Gjatë garave të kampionatit kombëtar të peshëngritjes, sot në palestrën e këtij sporti në Tiranë. Në peshës deri 81 kg, ku konkurruan këta dy kampionë të shquar ‘kokë më kokë’ në stilin e shkëputjes fitoi Qerimaj, i cili ngriti 154 kg, kundrejt 150 kg të ngritura nga Calja. Ndërsa në stilin e shtytjes ndryshuan pozicionet, ku Briken Çalja ngriti 190 kg në provën e dytë të garës, ndërsa Erkand Qerimaj fillimisht ngriti 180 kg, duke e mbyllur konkurrimin me provën e dytë me 184 kg.
Fitues dhe kampion i Shqipërisë në peshën deri 81 kg, u shpall Briken Çalja, pasi në dy garësh ngriti peshën 340 kg, ndërsa Erkand Qerimaj u rendit në vendin e dytë me 338 kg. Në këto gara të kampionatit kombëtar të peshëngritjes për të rritur konkurruan 120 sportistë, ku natyrisht u shpallën edhe kampionët sipas peshave.
