Luiza Gega kualifikohet për në finalen e garës së 3 000 metrave me pengesa në Kampionatin Botëror të atletikës që po zhvillohet në SHBA.
Gega doli në vendin e tretë në baterinë e dytë me kohën 9’14”91, vetëm 62 të qindat larg rekordit kombëtar. Finalja është të enjten herët në mëngjes.
Kujtojmë se, atletja kuqezi, Luiza Gega bëri një garë të shkëlqyer në Lojërat Mesdhetare. Qysh në start ajo e udhëhoqi garën, duke mos e vënë asnjëherë në dyshim fitoren e saj. Madje nga xhiro në xhiro, ajo e thelloi distancën nga ndjekëset e saj, duke i lënë pas thuajse 50 metra.
Fitorja e medaljes së artë në Lojërat Mesdhetare të Orani nga atletja Luiza Gega, as më pas dhe as më shumë, është një konfirmimin e aftësive të saj sportive, e cila edhe para katër vitesh fitoi medaljen e artë në Lojërat Mesdhetare të Tarragonës në Spanjë.
