Reagon sërish ministri i Mbrojtes së Greqisë, Panos Kammenos në lidhje me publikimin e fotos nga shtatë të rinjtë shqiptarë duke bërë simbolin e shqiponjës.
Ministri akuzon kryeministrin Rama se ka një rritje të frymës nacionaliste dhe kjo gjë pasqyrohet edhe në deklaratat e tij.
Në një intervistë për mediat greke, Kammenos deklaroi se ushtarët do të marrin ndëshkimin e duhur, ndërsa po vijojnë hetimet për të zbardhur se si këta shtetas kanë marrë nënshtetësinë greke.
Kammenos deklaroi gjithashtu se të njëjtat procedura po ndiqen edhe për rastin e identifikuar të 19-vjeçarit që shërben për forcat greke që janë të angazhuara në Qipro.
Veprime të tilla Kammenos i ka cilësuar si të patolerueshme se duhet të merren masa që këto raste të mos përsëriten.
