Policia italiane ka arrestuar një shqiptarë me një sasi kokaine prej 2.1 kilogram, e cila u gjet në makinën e tij.
Ndalimi i tij u bë nga karabinierët e Salsomaggiore, të cilët e zbuluan shqiptarin gjatë kërkimeve për një bandë grabitësish.
Gjatë patrullimeve ditore, policia vuri re një veturë tip “Volksëagen Passat”, e cila dyshohej se përdorej për vjedhjen të banesave aty pranë, ku veçanërisht në shënjestër ishin të moshuarit.
Kërkimi i parë i policisë ka zbuluar një dozë kokainë në pantallonat e tij të shkurtra. Më pas është kontrolluar makina, ku gjetën dy pako të mbështjella me 2 kg e 100 gram kokainë.
Droga, duke marrë parasysh cilësinë, prerjen dhe kuotimin e tregut, do të kishte një vlerë të llogaritur prej rreth 200,000 euro.
