Mjekja Nevila Gjermeni, ka bërë një apel të fortë për të gjithë qytetarët që të jenë të kujdesëshëm ndaj Covid.
Gjermeni përmes një videoje ku shfaqet e maskuar, shprehet se prej 5 muaj po punojnë pa pushim.
Ndër të tjera ajo tha se vendosja e maskës është vërtetë shumë e rëndësishme.
“Kam që dje në orën 7 e 30 që kam dalë nga shtëpia. Gjë që e bëj pothuajse çdo ditë në këto 5 muaj unë dhe kolegët tanë. Është e lodhshme për ne, sfilitëse për pacientët. Bëni gjithçka që të kujdeseni për veten. Bëni gjithçka që të lehtësoni vuajtjen tuaja dhe të familjeve tuaja. Bëni gjithçka që të na lehtësoni punën. Bëni gjithçka që t’ja dalim. Vendoseni maskën! Është kaq shumë e rëndësishme”, shprehet ajo.
