Një histori dashurie ka përfunduar keq për 25-vjeçarin nga Vlora. Bëhet me dije se, e dashura e tij 20-vjeç Parashqevi Ordolin e mashtroi dhe i vodhi një shumë të konsiderueshme parash. I riu nga Bilishti është njohur me Parashqevi Ordolin në rrjetet e tij sociale, duke krijuar fillimisht edhe një lidhje në distancë me të. Më pas, 25-vjeçari kishte udhëtuar për në Vlorë, për të takuar të dashurën e tij e disa ditë më pas vajza vlonjate kishte filluar t’i kërkonte para me justifikime të ndryshme.
Fillimisht, i thoshte se ka nënën sëmurë dhe i riu duke i besuar i dërgoi 580 euro. “Kam nënën sëmurë me COVID dhe më duhen lekë për ilaçe, s’kemi lekë për bukë dhe jemi pa ngrënë,”, ishin disa nga mesazhet që vajza i dërgonte të dashurit të saj.
Me kalimin e kohës kërkesat shtoheshin ndaj edhe 25-vjeçari, që është identifikuar vetëm me inicialet F.S., shkoi në fshatin e të dashurës dhe zbuloi që gjithçka që i ishte thënë ishte një gënjeshtër. Ndaj dhe ka shkuar për të denoncuar gjithçka në Polici, duke nisur kështu kallëzim penal për vajzën që i mori zemrën, por edhe paratë.
