Ish deputeti i PD-së, Edi Paloka ka reaguar pas deklaratës së Rebani Jaupit, drejtorit të Policisë së Tiranës, i cili i ka drejtuar mesazh shefave të komisariateve të Tiranës, duke e cilësuar të turpshme situatën, nëse vërtet Agim Kajmaku, ish-kryebashkiaku i Vorës, i shpallur në kërkim prej muajsh, shëtit i lirë në rrugët e kryeqytetit.
Përmes një postimi në Facebook, Paloka tha se në krye të vendit sa të jetë Rama do vendosen kriminelë, ndërsa policia he drejtësia do kenë të njejtën sjellje.
Postimi i Plotë
“Turp”..?!
Turp është që këta vazhdojnë të tallen e ti trajtojnë shqiptarët si budallenj ! Lënia në liri e kajmakut të “rilindjes” është vazhdim i krimit të urdhëruar prej Ramës, të atij që i mbështet, i emëron kryetar bashkie , deputet e ministra dhe kur kapen në krim , nuk lejon as policinë e as drejtësinë ti prekin.
Publikojnë një mesazh të drejtorit të narkopolicisë së Ramës, që gjoja rastësisht ka vajtur si info në media, për t’ju thënë shqiptarëve se nuk janë këta që e lenë të lirë. është e njëjta polici e prokurori që arrestojnë me urdhër botues e lënë të lirë, madje dhe mbrojnë kriminelët e “rilindjes”!
Sa të jetë Rama aty, kjo do jetë dhe sjellja e policisë dhe drejtësisë; kriminelët në krye të vendit e të tjerët në burg.
