Kafshë shtëpiake dhe njerëz të tmerruar, momente nga tërmeti i djeshëm në Greqi (Film)

0
133
Një tërmet me magnitutë 5.3 Rihter është regjistruar përgjatë natës në Follorinë të Greqisë, ndërsa u ndje edhe në vendin tonë.

Pas tërmetit banorët dolën të frikësuar nga banesat e tyre dhe shumë prej tyre zgjodhën që edhe natën ta kalonin jashtë. Ndërkohë, mediat në vend kanë publikuar pamje të momentit kur nisin dridhjet e tokës, të kapura nga kamerat e sigurisë nëpër banesa.

“Në fillim ndjemë librarinë afër shkallëve që tundej dhe brenda sekondës librat ranë njëri pas tjterit,” citohet një banore të ketë thënë.

Lëkundjet u ndjenë në mënyrë të konsiderueshme edhe në vendin tonë, sidomos në juglindje. Reagimet e qytetarëve qenë të shumta në mediat sociale, por edhe në aplikacionin e Qendrës Sizmologjike Evropiano-Mesdhetare që është bërë “popullor” pas tërmetit të 26 nëntorit.