Anëtari i Këshillit Kombëtar të Partisë Demokrastike, Fatbardh Kadilli, në emisionin “Zonë e Lirë” ka bërë të ditur se nuk do të jetë pjesë e garës për kreun e Partisë Demokratike. Sipas tij, arsyeja e vendimit të tij lidhet me faktin që PD nuk është e bashkuar dhe me faktin se në këtë parti e cila sipas tij është e përçarë, vota nuk vlen.
Deputeti demokrat ka shtuar se e gjitha nuk ka sens për sa kohë të gjithë kanë muaj të tërë që rendfn pas ish kryeministrit Sali Berisha.
“Nuk hyj sepse e para partia nuk është e gjitha bashkë. Ka shumë anëtarë që nuk u përfshinë. Partia është në një çarje dhe vota nuk shërben. E treta rezultati. Është i qartë, e gjitha është në rreshtim pas Berishës. Kanë 6 muaj, 8 muaj që i rendin nga pas Berishës”, është shprehur ai.
