Shkrimtari kthehet në shtëpinë e tij në Gjirokastër nga ku jep mesazhe të forta për politikën
“Shoqëria shqiptarë është sot në provë për të detyruar politikën të dekriminalizohet”. Ky është mesazhi që shkrimtari I madh shqiptar Ismail kadare, ka dhënë nga shtëpia e tij ën Gjirokastër. Ai është kthyer në shtëpinë e tij, tashmë të rikonstruktuar, nga ku ka dhënë mesazhe për zhvillimet në Shqipëri. “Proçesi i dekriminalizmit është një proçes jetësor për Shqipërinë. Do jetë e pafalshme në qoftë se nuk kryhet.Populli shqiptar do tregojë cilësitë e tij më të mira po do detyrojë klasën potitike ta kryejë këtë proçes dhe do tregojë cenet e tij nëse nuk e detyron. Populli ka merita, populli ka cene, do ta shikojmë, është një nje provë, por është e detyrueshme të kryhet”.
Në vizionin historik Shqipëria, për Kadarenë është në stadin e saj më kulmor të cilën e cilëson “Koha e tretë”. Kadare: Bashkë me shansin e një vendi krijohet dhe pengesa. Shqipëria ndodhet në një gjendje tipike ku shansi është i madh. I pyetur për largimet e shqiptarëve jashtë vendit, Kadare tha se kjo ethe e largimit është një ethe e përkohshme.
Kadare: Popujt të tjerë kanë historinë e tyre të largimit, kthimit dhe pastaj të stabilizimit.Është e natyrshme që pas një periudhe jashtëzakonisht të egër të izolimit të vinte ky pasion, shpesh me arsye pasi nuk është pa arsye sigurisht, por edhe pakez e kthyer në modë. Unë kam besim, se do gjendet drejtpeshimi i një populli që qëndron, largohet dhe kthehet dhe në fund të fundit do qëndrojë në vendin e vet. Në shtëpine e lindjes Kadare u takua me dhjetera përkthyes të veprës së tij nga gjithë bota.
