Pas dritës jeshile të dhënë nga qeveria italiane, ku ekipet mund të nisin stërvitjen individuale, Juventus ka vendosur të thërras në apel lojtarët e huaj. Mediat portugeze bëjnë me dije se avioni privat i Ronaldos është parë në Maderia, gati për tu rikthyer në Torino.
Përveç Ronaldos, jashtë Italisë ndodhen edhe Alex Sandro, Danilo, Douglas Costa, Higuain, Khedira, Rabiot, Szczesny e de Ligt. Juventus nuk ka vendosur një datë fikse se kur duhet të rikthehen por ka nisur punën duke organizuar rikthimin e tyre. Të gjithë lojtarët të cilët do të rikthehen në Torino do të jenë të detyruar të qëndrojnë për 14 ditë në karantinë, për të nisur më pas stërvitjen.
