Pëpara ndeshjes, Marek Hamshik tha për mikrofonin e Sky Sport: “E përshëndeta Higuain dhe i kërkova fanelën, pasi më ka porositur im bir”. Sllovaku u mundua të ulte disi tensionin e pakuptimtë të krijuar, për shkak se gjatë të gjithë javës, i gjithë shtypi është marrë me tradhëti të vjetra dhe të reja, duke e kthyer pragun e takimit në një telenovelë. Dukej sikur Higuain do të luante i vetëm kundër Napolit. Dhe në fakt, argjentinasi i bëri të gjitha, ndihmoi skuadrën e tij në një fitore shumë të rëndësishme, u kthye tek goli, por fillimisht u mundua ta mbante veten, Juventusi tashmë është shtatë pikë më shumë se Napoli, ndërsa në fund Higuain dukej si në qiellin e shtatë. Ndodhi fiks si 41 vite më parë, kur tradhëtari i vjetër Altafini shënonte golin e dytë ndaj Napolit dhe më pas festonte me mënyrën e tij. Ndeshjen e hapi Bonuçi në të 50’, por vendasit iu gëzuan avantazhit vetëm katër minuta, kur Insinje jep një assist për Kajehon që barazon dhe regjistron golin e tij të shtatë në këtë kampionat. Ndërsa për ta mbyllur mendon “el Pipita”.
